|
| 久違久違~再來寫寫近期的生活.......
近期的早期~突然有一天~我厭倦了hea send cover letter and resume
所以我努力上網搵template或者example再加自己ge爛英文~改良左
我ge cover letters and resume!!
近期的中期~我突然響一日裡面收到3個電話叫我去interview~
響呢3個電話之前我只有收過一個電話........改良resume睇黎係有用......
近期的後期~我開始見呢3份工~有兩份都叫左我去second in.......
唔係講笑~第一份ge second in係上大陸second in~抱住in下冇無妨ge心態
~有一天我一大早就坐該公司ge車上左深鎮龍崗見工=.="........
近期的後後期~我又second in左一份logistic ge工~好一句"你真係好想做呢份工呀ma?得啦~下星期一番工"
我嚇左嚇地.....有工番lu.......出門口行15分鐘就番到工~懶人就係有懶命!!!
近期的黃展麒~以下係我同bao先生近期msn ge對話.......
ki : "hows lift in HK?"
me: "香港d lift 好正常~冇壞~上落都幾順暢"
由此可見~學西班牙文係會令英文退步的!!
近期其實都有好多事發生而唔係日日響屋企hea ge...........
mon hunt夜~有蕭烽and呀吉兩位戰友陪我激戰了好幾晚!!
中秋有喜羊羊燈籠同ASCIT一班朋友仔響南丫島一齊煲X渡過~
仲玩埋"痴紅豆"tim~你玩過未?仲有"痴蠶豆"同"痴眉豆"你又玩過未?!!
Drama soc港男performance~"科大得唔得"!!!!
呂布歐re-u~好耐冇見ge大家~大家仍然有講有笑!!!令我懷念起冰川的美好回憶......
朋友們~你近來好嗎?
| | |
| 11/7~18/7回鄉記
同細佬二人回鄉探親~是次回鄉之旅真難忘.....都是可怕的回憶......
首先坐直通車到東莞便發現漏左部電話響車上面.....
在雨中追呀追~可惜.....我....著Birkenstock.......
架車已經番緊羅糊~好彩最後聯絡到車上面ge跟車姐姐~咁好彩又冇俾人執到
先救番我部電話......
坐堂姊ge車番福建~8,9個鐘車程.....PSP正正發揮佢ge作用!!!
玩"塊魂"黎過日晨~間中又同D親戚吹下水~訓下覺咁就到左lu.....
堂姊架車係軍車~睇住佢衝紅燈,收費站唔洗俾錢,撞雪糕筒鏟入隔黎線都冇人理
~雖然好危險但係又好鬼威水!!
見到大姑媽屋企ge 4隻狗仔俾鐵鏈鎖住周圍都係烏蠅咁就會覺得妹妹真係幸福......
忍唔住買d腸餵佢地食......
有一晚堂姊車坐我去泉州~我話想自己行下~自己一個響呢個陌生ge地方行~
就會諗番起台灣......HEY~講起台灣~個天真係可惡~台灣係一個好地方!!
點解要咁對佢???阿里山我好想去ga~點解要破壞佢?!!!唉......
講番o個晚~自己一個響條街行~去超級市場捺野食~又唔係自己俾錢(媽媽support一切洗費)
真輕鬆~咁我都係買左30幾蚊野je.....感覺真係幾特別~好似個人都輕左咁!
食左碗綿綿冰~都唔錯~當然冇士林o個D咁好食啦!!!!!
今次番去主要探爺爺同婆婆~佢地身體都唔太好~又好耐都冇見過我地兩個
~爺爺最鐘意講故仔~講報紙睇到ge野, 講以前行船ge威水史, 講日本兵等等~
雖然我present到我好留心聽~但係其實我好多都聽唔明.....=.="
另外就係大姑媽60大壽~係wor~原來大姑媽年紀咁大ga la?原來我爹D年紀
同佢唔係差好遠~到我爹D 60大壽~我有冇能力幫佢擺12圍酒呢??
冇錯~大姑媽生日要響屋企擺12圍酒~而我今次番鄉下正正住響呢間屋入面~
所以都要幫幫手!!
好多好多唔識ge人黎飲~爺爺都會好積極咁介紹"這個是我香港的孫呀!"
我就只可以點下頭講聲"你好!"雖然有D無奈~但係又有D沾沾自喜......
同檯一眾堂兄弟~寒暄數句~其實真係冇咩野傾~太唔熟啦......從來我
呢個黎自香港ge兄弟就係特別ge存在......格格不入又唔係ge~但係.....係lor......
十幾米長ge炮仗真係嘈到對手唔可以愛黎渣筷子......因為請外面D酒樓車
食物黎姑媽屋企~所以黎到其實已經有D凍~D餸確實又有D奇怪.....食左好少......
臨番香港前一日去左海邊玩~但係去到已經6,7點~個天都黑黑地~姑丈特登帶左
個網去捉魚~捉左兩條細細條~仲有雞泡魚~好搞笑!
食海鮮~哼!!我懷疑就係呢D海鮮~我夜晚番到去又柯又嘔~個肚抽住抽住咁痛~
要堂哥車我去睇醫生~急性腸胃炎~俾人打針響patpat度個感覺好不爽!!但係
又真係幾快見效!!!訓醒覺冇事lu~番香港!!!!!!!
番到香港o個刻~真係好想講~i love hong kong!!!
番到屋企o個刻~真係好想講~i love my home!!!
| | |
| 每朝一訓醒就係電腦~其實咪又係facebook,漫畫,睇劇睇戲......
成身攰賴賴咩都唔想做街又唔想出......
係時候打破呢D生活啦~我要重整生活!!!我要快D搵到工充實下!!!
我唔要放暑假啦!!!
首先等我plan下點樣重整我o既生活啦下!
1. 整理email~delete o個千幾封未讀又唔會讀ge郵件
2. 扔鬼晒D notes去廢紙回收~反正我唔會用到.....掛!
3. 執好晒書櫃書檯~執好見工要用o既野
4. 申請健身證~希望張健身金卡唔會過期~之後就定期過對面做gym或者游水
5. 睇有英文字幕o既外語劇or戲~學英文兼娛樂
6. 一日唔可以hea過多4個鐘響玩Facebook,睇漫畫睇電視上
7. 儲錢買target items
8. 留意多D朋友o既生日~因為我發現我miss左好多fd生日~連留comment響facebook咁hea都冇做......
9. 食完飯帶下妹妹去散步順便自己散下步~大家都可以減肚腩
諗到再加~暫時就呢D啦!!首要target item係單車!!!!明天執行!!!!
另外下星期12號會番鄉下~16號應該番黎!!
等我又帶埋部BBF去影影久違了ge故鄉啦!!!
| | |
| 25,26/7
麻甩大露營2009!!
每年暑假一大盛事,雖然今次只係兩日一夜!!
但係感覺上都比起之前攰同埋充實!!
因為睇circus action睇到上腦~所以聯同幾位PIC
準備左個"X-CON瘋狂大富翁"~簡單D黎講就係玩變態
野虐待下X-CON一眾麻甩仔!!
呢次ge目的地係西貢鹹田灣~沿赤徑行個幾鐘就到~
但係入到去已經好攰~大家D體力似乎都大不如前!!
陽光與海灘~雖然陽光唔係太猛~但係都不減大家對大海的熱愛!!
一落水~爽呀!!!summer time!!!因為自作孽, 俾班禽獸扯甩
了泳褲~裸泳左成個字......其實裸泳真係幾舒服!
玩閃避球玩到入黑~真係完全睇唔到個波.....
晚餐後~等齊人大家都好似好攰~但係都係照計畫開始
"X-CON瘋狂大富翁"~一開始大家都好似冇咩興趣!!
但係當知道原來要玩變態野~都開始認真起上黎!!!
紅心組有我, 蕭烽 and 明仔~竟然3個PIC一組~仲要下
下抽中d細哎野~我地真係冇做馬ga!!!
話就話細哎~但係其中一個mission係叫"燒雞腋"~係要
燒隔勒底毛~玩法係首先噴蚊怕水響一邊隔勒底再點火.....
我真係頂佢個肺何力恆同我噴成5,6野蚊怕水~第一個受害
者ge本人一點火, 根本就唔係燒隔勒底毛~係燒成半截手!!!
本身以為夾幾下就會熄~點知.....好彩boss拎定支水~一野潑落黎!
唔係.....我可能燒死左~大家見到呢個情境~全部都停唔到!!
呢D就係朋友啦!!!!!!!(其實我都笑到嘔)真係好有視覺效果......
同組ge蕭烽and明仔都遭受同樣遭遇~所以呢玩時玩.....都叫受到
下教訓, 令我明白到.....蚊怕水係唔可以噴太多ga!!!
另外紅心組亦都同唔記得咩組Battle鬥快飲八寶湯.....
話說該八寶湯係我同明仔響我屋企用盡屋企有ge調味料特別泡制~
因為我地都唔係好想試味~只係用筷子點左d黎試~感覺良好.....
點知!!!Battle ge時候一飲~哇?!wt the fuck!!!!辣到~x%*&$#
雖然嬴得比賽~但係dinner就全部回歸大地.....眼水鼻水都出晒黎......
呢下學到咩叫自作孽,不可活.....
仲有好多可怕又好笑ge片段~不能盡錄~所以用左DV錄......
睇番一定好好笑!!!
真係要多謝各位落力參與!!估唔到玩左一圈就已經用左3個幾鐘.....
尤其要多謝PIC ge蕭烽,明仔,呵力,呀9~
大家努力咁諗d難以接受ge懲罰~可以想像大家有幾變態!!
多謝明仔同我一齊買野製作,又要特登去我屋企搞到你冇得響屋企食飯!!
真係唔話得!!!thx!!!
今次ge camp只係兩日一夜~原因係要就番d要番工ge人......
無錯~X-CON眾人逐漸踏入社會~呵力話~可能露營搞搞下
就會變行山~搞搞下就變食飯~唔知仲有幾可咁樣玩......
我就覺得正正因為大家都開始踏入社會~麻甩大露營就更加必要!!!
因為只有大露營係由中學一路搞到依家, 係X-CON共同擁有ge回憶!
係令到X-CON更加X-CON ge一個象徵!!係各散東西ge我們重拾年青ge時光!!!
時間再難就~大家再忙都好~X-CON麻甩大露營一年總要有一次!!
我話GE!!!!!
| | |
| 永遠開場白都係~"久違了..." 我好忙咩? 唔係啦~雙失青年一名~可以忙得去邊? 咁究竟呢幾個月我做左D咩呢? 首先黎個三碌棍寶島遊大回顧啦! 棍: 本人, 何敏聰, BenBen 地點: 台灣 日期:7/6~23/6 (17days) Mission:單車環島! 總共十七日~要記晒實在係太浪費本人精神&時間~所以都係黎個大事回顧+感想算啦~GO! 首先!我地係由台北開始逆時針環島~第一日就發現只係23歲ge呢三條友體能未免太差啦掛... 平均只有15k?!不自量力ge我地竟然敢黎環島?! Hey~呢D就係冒險精神!呢D就係青春呀! "係咩?" 第一日我地已經發生意見分岐(我覺得我用詞好含蓄!)睇黎未來ge路唔易行呀下! 台北到台南經過數個縣都冇咩景點~陪伴住我地ge除左田~就係Sexy ge檳榔妹! "你地有冇見到頭先o個個著T-back呀?" "有呀~仲露毛tim呀!" "真係ga?!" "好似係~我見到黑色" "有冇睇到頭先間小可愛檳榔呀?裡面根本就係一個肥婆!" 到達高雄前~我地又再一次意見分岐啦!響7-11分岐足成個鐘~之後就響餐廳~ 再之後就響街上面~如果係響香港~可能上左youtube... 到達墾丁~大家終於可以放鬆心情玩下食下~又有靚靚民宿~WOW 我地仲響台灣最南端高歌左一曲國境之南tim!! 離開墾丁我地選擇左坐火車去台東~ 火車上我地遇到貴人啦!林老師唔止請我地食飯~仲幫我地搵左間一次過滿足晒三個願望ge酒店!! 台灣真係多好人!我下次都要對D遊客好D! 下一站係期待已久ge綠島!Green Island! 第一次浮潛~第一次著住潛水衣踩單車!甚有矇面超人ge感覺..... 個海有好多魚(廢話)~D魚仲喙我隻手!個鼻仲好似入水入到敏感.......
D鼻水一滴滴咁流.......好誇張
之後我地環左綠島一周~仲去埋期待已久ge朝日溫泉~
雖然冇想像中咁靚~不過都幾抵玩la!!i love冰火~~~
夜晚~成個天都係星~好光好大粒~雖然黑夜單車好驚險
呀恆仲抄車~不過真係好舒服~浸完溫泉真係會加HP gar!!
講起炒車~有一次落超大雨~我又唔記得升起個腳踏~
踩踩下俾電單車撞到我跌左落水dum.......前面兩位已經
踩到唔見左~果下真係好無奈.........
綠島之後又再開始踩la~嘆左好幾日冇踩~
唔知係因為多落斜定大家休息夠~平均20k或以上!!!
patpat亦都唔再痛~可惜ge係天氣mama~落雨踩單車真係好危險!!
去左兩個牧場飲牛奶食雪糕睇牛牛~仲近距離見到D羊咩柯屎tim!!
雖然冇去到花蓮有D可惜,亦冇挑戰到可怕ge蘇花公路~
冇計啦~我地以火車番台北!!就響車箱入面欣賞花蓮,宜蘭ge風光la~
最後響台北還左車停留左幾日~輕輕鬆鬆~食下行下~仲去埋曹格ge簽唱會!
曹格真係屈機好聽!!!
呀...........十七日話長唔長話短唔短!!呢次ge旅程真係有別於以前ge旅行!!
有好多野要憂心, 有好多難題, 挑戰要面對~有好多得著, 體驗, 教訓!!
正如benben所講"睇唔出你咁硬頸!"~我都唔知鄭杰陽平時明明咩都
"冇所謂啦", "是但啦"~但係原來響某D情況下佢都可以咁執著!
朋友問我個trip點呀?!我總係要諗一諗先答.......太複雜~對唔住我
可能會敷衍咁答~"幾好玩呀", "ok ar"~但係.......因為實在唔可以簡單咁
總結呢次ge旅程!!
好多謝聰and ben~好多謝台灣~你真係一個好地方!!!!!
好想再食綿綿冰........傳聞話元朗ge綿綿冰同台灣ge一樣咁好食!!!
有番d錢我真係要去食下!!!冇錯~有番D錢ge話!!!我依家真係好窮ar~wahaha!!!
台灣番黎之後~真係咩都唔想做~參加左UST ge muscial~
又要再次跳舞~雖然有時都幾痛苦但係又真係幾好玩ge!!!
Wedding Singer Good Show!!!!
冇野排ge時候又有咩搞呢?!!宅男ge我為左save money!!
基本上都prefer響屋企hea~睇下劇打下機!!
要同大家介紹台灣瘋狂到爆ge團體"Circus"!!
4個熱血青年, 敢作敢為, 赤裸裸演繹青春, 盡情將夢想化為現實!!
我真係好佩服佢地!!!
有興趣知道我講咩~請去youtube search "circus action"
或者CLICK下下面條LINK是但睇下~~~
http://www.youtube.com/results?search_type=videos&search_query=CIRCUS+ACTION
你就會知到佢地幾咁瘋狂, 但係又幾咁令人敬佩!!!
朋友!!世界係一個遊樂場~"未知"唔一定係徬徨!!
Enjoy ur life!!!
I LOVE CIRCUS ATTITUDE!!!
| | |
|
